°Dreamworld 29.10.11°

 Dreamworld esch en Themepark wo jenschti Achterbahne, Shows on Tier hed.

S'erschte Känguru in Australie wo mer gseh hend

 The Giant Drop: 120 Meter, 5 Sekonde freie Fall..


Ech ha gmeint ech sterbe..dä Cheib esch emmer wiiter ond wiiter ue..d'Kollegin ond ech nor : aaww stop it..stop it..

 Muahahahaha mol ned ech wo emmer die nässischt esch :O

 

Ganz i Allem esch de Park scho okay gseh, aber meh hed veell zlang mösse astoh well do ergendwie alli schwäär vo Begreff send ;)

Fazit: Sonnenstich, Europapark ist um Vieles besser.

* Mojo- Surf Weekend * 21.10-23-10.11

7am :)

 Am Fritig Obe noch de Schuel esches losgange.. mer send 4 1/2 Stond Car gfahre dasmer schlossändlech spoot am Obe in Nimbin be Byron Bay acho send. Do mer en New-South-Wales ond nöm en Queensland gseh send, esch no en Stond spööter gseh!
Niemert hed welle zuegäh wie kabott mer esch ond so send alli no ganz stell as Lagerfüür ghöckled ond hend gwartet bes mol de erscht seid er gieng ets ;)
Soo esches den schnell mol 3 gseh..


Am Samschtig esch am 7ni Tagwach gseh. Das esch hert gseh.


Mer hend den en chliini Ifüüerig met de wechtigste Infos becho ond send den grad los ad Beach abe.
Noch guet zwee Stond kämpfe met de Wälle hemmer den no a de Beach chönne omeplägerele ond d'Jungs hend en Rondi Soccer gspellt.
Nocheme Aussie-Lunch esches am Nommitag weder wiiter gange met Surfe.

 Am Obig hed d'Surfcrew en Partyobe organisiert gha. Meh hed jenschti Speli chönne metmache, onder anderem au paar onder de Görtellinie hahaha.
Uf jedefall hed jede siin Spass gha ond au dementspräcchend en Kater am Sonntig morge, wos weder gheisse hed. Let's Surf :)

..Whale-Watching-Trip 9.10.11..

Höt semer ad Gold Coast (Surfers Paradise)
Scho am morge früeh hemmer es cheibe Züüg gha.
Euse Taxifahrer esch chli dor Brisbane döregschnäägeled ond hed ergendwie kei Ahnig vo gar nüüt gha. Was üs blobe esch: En Spurt zom Bahnhof dasmer no grad so knapp de Zog verwötscht hend.
Noch fascht zwe Stond Wääg semer den am rächte Ort acho.
Vo det us semer meteme grosse Katamaran zonere chliinere Insle gfahre. Die hesch i guet 15 Min chönne dorquere. Mer send den dor de gröscht cheibe Busch döregloffe ond den a dem wonderschöne Strand acho. Werklech en Traum!

Hend en uu Freud gha :D

Om di 12 ome heds den Zmettag gäh. Die hend det uf dere Insle chli öbis ufbout gha. Meh hed chönne Beachvolleyball spele, jenschti Wassersportarte usprobiere ond si hend es Restaurant met Bar. Öbs ergend söscht no en Onterkonft uf de Insle hed oder das eifach nor för die Tagestour gmacht esch, hemmer ned gforgt gha..
Uf Jedefall heds es super BBQ-Buffet gäh, womer hend chönne zueschloh.




 Ond ääntlech esches den los gange.
Mer send ufs offnige Meer usegfahre ond hend uf de Oberfläächi noch Fontäänte usschau ghalte.
Sobald öbert eini oder zwe entdeckt hed semmer dene nooche ond hend si zgseh becho: D'Wale :D
 

Synchron-Schwemmete:D

*..* My Birthday*..*

 Min 20. Gebori esch bes ets werkli super gseh.
All die hammer Lüüt do kenni erscht sit 4 Woche ond die hend en meega Öberaschigsobe för mech plant gha.
Mer send am Fritig Obe ines Asiatischs Restaurant go ässe.
Wo wemer den fascht alli Wiifläschene gläärt gha hend hends vo wäge go gredt ond plötzlech eschs Liecht us ond de chond en Servierdüüüse metere hammer Torte (esch soo jaammii gseh). Rechtig kuuli Öberraschig gseh.
Nochem Ässe send mer den wiiter ine Club ond hend det no de gaanz Obe wiitergfääschtet. Eifach gseith: It was AWESOME!!!!

 

Paarty :O

Woche 3...

Soo noch emene wonderbaare wochenänd met de isa in noosa... siehe Fotos (merci öbrigens isa för das schöne föteli vo mer...) precht ech doch mol was be mer so passiert esch...

jo 3 woche send wie gseit scho ome.. en viertel vo de ziit womer ide schuel wärded verbrenge... weni so dra dänke esch das meega schnell verbii gange... langsam hed mer sech do in brisbane so chli igläbt, kennt langsam d lüüt, die guete pubs ond macht am week end so chli usflöög... s läbe pändlet sech langsam chli ih... mer hed en greglete tagesablauf, god id schuel, metagässe, nomol shcuel, den eis go zieh oder chli dör d stadt laufe ond den hei go husi mache ond znacht ässe met de gastfamilie ond no bis am obe spoot quatsche...

han metlerwiile en araber als gastbrüeder becho (näbem thaiwanes wo scho vor mer do gse esch). Esch no en lostige cheib, redet ned allzu vell... leider escher en FC Chelsea fan was mehr halt s nöchere könnelehre chli verhenderet ;-), aber solang jo Manchester no vor Chelsea esch gotz no einigermasse...

Joa d Natur heds au guet gmeint bes jetzt be mer, sit ech do ben hani scho vel australischi tier gse, onter anderem en riise schlange, frei läbendi Wale wo ade Köste vo Byron Bay verbii "gwanderet" send, en frei läbende Quala-Bär, es paar Opossoms wo grad be eus im garte läbed, ond ech ben sogar vomenere Elstere agreffe worde, han glaub chli ehres revier agreffe oder so ond den esch si vo hende of mech zuehgfloge cho ond hed mer eis met em flögel ghaue... naja.. solangs kä riise spenne esch womi wot agrife esch mer das no glich :-)

joo versueche so bald wie möglech mol weder öbis z schribe... nöchsdt weekend heisst wale-watching tour ade gold-coast, den werdi secher au weder öbis z verzelle ha...

joa liebi grüess us Down Under....

Leandro

Weekend-Trip Noosa 30.9.-2.10.11

Wääg vom tägleche Schuel- ond Citylääbe heds üs för eis Weekend noch Noosa verschlage.

Öbernachtet hemmer i de Halse Lodge, emme Youth Hostel, wo es eigets Restaurant ond Bar hed.

Mer hend do en suuper Ziit gha ond wössed ets scho as mer weder zrogg noch Noosa go wärdet:)
















Mer send a de wonderschöne Main-Beach vo Noosa gseh

Sunset

            GREAT TIME <3

















                     CHEERS MATES!!!!