Sonntag, 25. September 2011

My Homestay

Das esch s'Huus vo minere Gastfamilie. Ech wohne in Carindale, dass esch metem Bus ca. 40 Minute vo de City entfärnt.
Momentan hani en Gastschwöschter us Japan, wo för i Monet bliibt.

Langports School
Üses Klassezemmer.
Ech bsueche för 3 Mönet d'Langports School in Brisbane, wo guet im Zentrum liid.
I minere Klass heds Studänte vo de Schwiiz, Brasilie, Korea, Japan ond Spanie.




















Cambridge Retreat
Scho am erschte Wochenänd hend beidi Klasse wo de Cambridge-Kors möched es Wochenänd vo de Schuel organisiert becho.
Mer send am Fritig noch de Schuel los ad Gold Coast gfahre. Det hemmer de Nommitag inere Chlätterhalle verbrocht. Gäge Obe semer den is "Nichts" usegfahre ond den zome chliine Campingplatz cho wo Capins zom öbernachte hed. Am Obe hemmer es super Barbecue gha ond aschliessend es riiesigs Lagerfüür.
Nochere chorze Nacht semer den am Samschtig a Strand ufbroche. 3 Stond lang Surfe esch agseith gseh.
Noch e paar Instruktione ond Tipps hemmer den los chönne ond zeige was mer chönd. Was awesome!!!
Zom Zmettag heds Pizza gäh ond wiiter esch de Tag met Kajak fahre gange.
Mer hend es super Wochenändi verbrocht met enand kennelehre, Änglisch rede ond eifach Spass ha.












Warm Up
Let's go surfin










CHEERS ISA

Freitag, 16. September 2011

16.09.11

Sooo, ei woche esch fast ome...  mer händ vell erläbt, neui lüüt kenneglehrt ond notürlich üses änglisch verbesseret :)

Han dänkt ech beschribe mol chli Brisbane, do die meiste vo euch jo leider no nie hend chönne do si.

Brisbane esch e wonderschöni Stadt, liid im Oste vo Australie im Staat Queensland. Hed Rond 2 Mio. Iwohner ond liid am Brisbane River, wo sech quer dör d Stadt zieht.

Was ech bishär erläbt han esch "just unbelelievable". D Stadt hed en grossi Shopping stross met vele chline Bars dene wo emmer lüüt dene send, woni höt dör d Stross glofe ben (fritig obe)send onmänge a lüüt ide ganze stadt gse ond es hend etlechi live bands gspelt es esch am dämere gse ond alli send stohblobe ond händ chli glost. eifach en super atmosphäre gse.
Ei siite vom Floss esch ganz frösch gmacht, Southbank, met em "strandbad" -Citybeach, en Badi eifach zmetzt ide stadt womer gratis chan go bade, esch wonderschön gmacht. Ade Southbank chamer wonderbaar go spaziere ond eifach chli is gras lege ond d sonne gnüüse, wo leider jetzte noni so Starch esch, aber es esch jo au erst Früehlig ond s werd emmer wärmer. Ofs Wochenänd heder adi 30 Grad.
A dere Southbank heds au öberal so öffentlechi BBQ-Stations womer eifach gratis chan go grilliere, was mehr notürli psonders Gfallt. wärdemer secher au no usprobiere.
Vode Southbank hed mer en suuper ussecht of d Sky-line wemmer das so chan nenne, esch notürli ned so gigantisch wie z.b. in NY aber es hed doch es paar rächt hochi hüser.

Mini schuel esch eigentlech au no kuul, hed öbe 300 studänte, huufe Asiate und Süüdamerikaner (Brasilians and Venezuelians). D ide klass hemmer au vo öberall chli lüüt (vo brasilie, venezuela, tschechie, korea, japan ond no 2 anderi us de schwiiz).
Euse lehrer esch de hammer. en Kanadier wo scho set öber 20 johr do in Brisbane läbt. är esch früener musiker gse ond hed onter anderem met em Peter Tosh (vo the Wailers wo met em Bob Marley zämegspelt hed ond nochär sälber musig gmacht hed z.b. Out of space) zäme musig gmacht.

joa ech chönt jetzt done no stondelang chli schwärme aber ech glaub ergendeinisch gheied mer den d fenger ab oder ehr mögded eh nömme wiiterläse. aber es gäbdi no vell z verzelle...

Naja ech probiere so bald wie möglech mol weder öbis z schribe

Grüsse vom anderen ende der Welt

Leandro

Donnerstag, 8. September 2011

Welcome

Sooo ehr liebe, damet ehr au chli chönd luege was do be eus lauft, hemmer do dä blogg erstellt. Womer hoffentlech regelmässig Belder ond Kommentär inestelled womer grad so send ond was mer erläbed.

Liebi Grüess

And have Fun